ზუგდიდის ყოფილი მერი და ვიცე-მერი ლაშა გოგია და გია გულორდავა დაკავებულები არიან. გავრცელებული ინფორმაციით, ყოფილი მაღალჩინოსნები სუსმა ქრთამის აღების ფაქტზე დღეს დააკავა.

საქმე ეხება ერთ-ერთ ბიზნესმენს, რომლის ფარული ჩანაწერებიდაან ირკვევა, რომ ზუგდიდის მერიის უკვე ყოფილ მაღალჩინოსნებს გადაუხადა თანხა, რათა ბიზნესმენს ზუგდიდის ტერიტორიაზე კონკრეტული უძრავი ქონებების დაუფლებაში დახმარებოდნენ.

გავრცელებული ინფორმაციით, ბიზნესმენმა ზურაბ კვირკვიამ ათი ათასი დოლარი ზუგდიდის მაშინდელ ვიცე-მერს გია გულორდავას გადაუხადა, რომელმაც თანამდებობა ზუგდიდის მერთან ერთად დატოვა, თუმცა გულორდავა ამ ბრალდებებს  დღემდე კატეგორიულად გამორიცხავს.

ზუგდიდის ყოფილი მერის, ლაშა გოგიას მიმართ სუს-მა გამოძიება ქრთამის აღების ფაქტზე დაახლოებით ორი თვის წინ დაიწყო. „სახელმწიფო უსაფრთხოების სამსახურის ანტიკორუფციულ სააგენტოში“ გამოძიება ქრთამის აღების ფაქტზე, საქართველოს სსკ-ის 338-ე მუხლით მიმდინარეობდა.

გარდა ამისა, სახელმწიფო უსაფრთხოების სამსახურის ანტიკორუფციულმა სააგენტომ, შესაძლო დანაშაულის გამოვლენის მიზნით, ზუგდიდის მერიის ააიპ „ბოტანიკური ბაღების მართვის ცენტრის” საქმიანობის შესწავლა რამდენიმე კვირის წინ დაიწყო.

17:00 საათზე სახელმწიფო უსაფრთხოების სამსახურში ბრიფიგინგი გაიმართება, რომლის თემა სავარუდოდ ზუგდიდის ყოფილი მერისა და მისი მოადგილის დაკავება იქნება.

შეგახსენებთ, რომ 21 აგ­ვის­ტოს, ში­ნა­გან საქ­მე­თა მი­ნის­ტრმა გი­ორ­გი გა­ხა­რი­ამ სა­მეგ­რე­ლო-ზემო სვა­ნე­თის გუ­ბერ­ნა­ტო­რის წარ­დგე­ნი­სას გა­ნა­ცხა­და:

“ერ­თმნიშ­ვნე­ლოვ­ნად უნდა იცო­დეთ, რომ ამ რე­გი­ო­ნის გან­ვი­თა­რე­ბა­ზე კომ­პრო­მი­სის დაშ­ვე­ბას არა­ვინ აპი­რებს, რაც ნიშ­ნავს იმას, რომ ყვე­ლას მო­ე­თხო­ვე­ბა ერ­თნა­ი­რად და აბ­სო­ლუ­ტუ­რად ყვე­ლას პა­სუ­ხის­მგებ­ლო­ბის ზომა იქ­ნე­ბა ერ­თნა­ი­რი. სა­მარ­თლი­ა­ნო­ბა იქ­ნე­ბა ძი­რი­თა­დი კრი­ტე­რი­უ­მი და არა­ვინ არ მო­ით­მენს იმას, რომ აქ არ იყ­ვნენ ხუ­თოს­ნე­ბი და არ იყოს სა­უ­კე­თე­სო პრაქ­ტი­კა“ – აღ­ნიშ­ნა ში­ნა­გან საქ­მე­თა მი­ნის­ტრმა.