საქართველოს კათოლიკოს-პატრიარქი ილია მეორე აზერბაიჯანის პრეზიდენტს, ილჰამ ალიევს საპრეზიდენტო არჩევნებში გამარჯვებას ულოცავს.

“ჩვენ გულიტადად გილოცავთ აზერბაიჯანის რესპუბლიკის საპრეზიდენტო არჩევნებში დამაჯერებელ გამარჯვებას. ეს არის იმ დიდი ნდობის გამოვლინება, რომელიც თქვენი ქვეყნის მოქალაქეებს აქვთ თქვენდამი და ეს სრულიად ლეგიტიმურია.

ჩვენ ვაფასებთ თქვენს პირად წვლილს ჩვენს ქვეყნებს შორის ძმური ურთიერთობების განვითარებაში. ვიმედოვნებთ, რომ ეს ურთიერთობები მომავალში კიდევ უფრო გაძლიერდება პარტნიორობის პრინციპზე დაყრდნობით.

გისურვებთ თქვენ და თქვენს ოჯახს ჯანმრთელობას, მშვიდობასა და ახალ წარმატებებს თქვენს საქმიანობაში აზერბაიჯანის კეთილდღეობისთვის”, – ნათქვამია წერილში.