მთავრობის მეთაურმა, გერმანიაში საფეხბურთო მატჩებზე დასასწრებად, ეკონომიკის სამინისტროს დამატებითი პირდაპირი რეისებისა და ბილეთებზე ფიქსირებული, დაბალი ტარიფის უზრუნველყოფა დაავალა
ყველაფერი გაკეთდება იმისთვის, რომ ჩვენი თანამოქალაქეებისთვის გერმანიისკენ მარტივი გადადგილება იყოს უზრუნველყოფილი დაბალი ფასებით, – ამის შესახებ პრემიერ-მინისტრმა ირაკლი კობახიძემ მთავრობის სხდომაზე განაცხადა.
მისი თქმით, დაიწყება მუშაობა დიუსელდორფის და ჰამბურგის მიმართულებით დამატებითი პირდაპირი რეისების უზრუნველსაყოფად.
„როგორც მოგეხსენებათ, 18 ივნისიდან საქართველოს საფეხბურთო ნაკრები გამართავს მატჩებს ევროპის ჩემპიონატზე და უკვე ძალიან დიდი მოთხოვნაა ავიაბილეთებზე, რითაც ავიაკომპანიებმა უკვე ისარგებლეს. შესაბამისად, გაიზარდა ფასები თვითმფრინავის ბილეთებზე. მინდა ვთხოვო ეკონომიკის სამინისტროს, რომ დავიწყოთ მუშობა დამატებითი პირდაპირი რეისების უზრუნველსაყოფად დიუსელდორფის და ჰამბურგის მიმართულებით და მნიშვნელოვანია, რომ ბილეთები ფიქსირებული დაბალი ტარიფით იყოს შეთავაზებული მოქალაქეებისთვის. ეს ყველაფერი მნიშვნელოვანია როგორც გულშემატკივრისთვის, ისე საფეხბურთო ნაკრებისთვის. ჩვენთვის მნიშვნელოვანია, რომ საფეხბურთო მატჩებზე ქართველი გულშემატკივრის მრავალრიცხოვანი დასწრება უზრუნველვყოთ. მე დარწმუნებული ვარ, რომ გუნდს ჯგუფიდან გასვლა შეუძლია და ჩვენ რა წვლილიც შეგვიძლია შევიტანოთ ამაში, მაქსიმუმი უნდა გავაკეთოთ. შესაბამისად, ყველაფერი გაკეთდება იმისთვის, რომ ჩვენი თანამოქალაქეებისთვის იყოს უზრუნველყოფილი გერმანიისკენ მარტივი გადადგილება ფიქსირებული დაბალი ფასებით“, – განაცხადა კობახიძემ.
მსგავსი სიახლეები
ალექსანდრე მოწერელია – მეწარმეობის და სოფლის მეურნეობის განვითარება, ნიშნავს ოჯახებში გაზრდილ შემოსავალს და ეკონომიკის განვითარებას მუნიციპალიტეტში
ირაკლი ზარქუამ პარლამენტის ტრიბუნიდან განათლების სამინისტროს მეგრულად მიმართა და სთხოვა მეგრული, სვანური და აფხაზური ენები სკოლებში ასარჩევად იყოს
