მამუკა მდინარაძე: ალბათ წლების წინ ვერავინ წარმოიდგენდა, რომ საქართველო ამ მასშტაბის წინააღმდეგობის მიუხედავად შეძლებდა დამოუკიდებელი გადაწყვეტილების მიღებას
ალბათ წლების წინ ვერავინ წარმოიდგენდა, რომ საქართველო ამ მასშტაბის წინააღმდეგობის მიუხედავად შეძლებდა დამოუკიდებელი გადაწყვეტილების მიღებას, – ამის შესახებ საპარლამენტო უმრავლესობის ლიდერი, „ქართული ოცნების“ აღმასრულებელი მდივანი მამუკა მდინარაძე სოციალურ ქსელში წერს.
მდინარაძე პარლამენტის მიერ „უცხოური გავლენის გამჭვირვალობის შესახებ“ კანონთან დაკავშირებით პრეზიდენტის ვეტოს დაძლევას ეხმაურება.
„ალბათ წლების წინ ვერავინ წარმოიდგენდა, რომ საქართველო ამ მასშტაბის წინააღმდეგობის მიუხედავად შეძლებდა დამოუკიდებელი გადაწყვეტილების მიღებას! მადლობა ამისთვის ჩემს თითოეულ კოლეგას და რაც მთავარია ქართველ ხალხს. რომ არა მათი უპრეცედენტო ერთობა და გონიერება, ეს ვერ მოხდებოდა! ყველა მეგობარმა უნდა იცოდეს, რომ ჩვენი ქვეყანა მზადაა მხოლოდ ღირსეული და ჭეშმარიტი მეგობრობისთვის. ასევე უნდა გაითავისოს ყველამ, რამდენად ამაყ ქვეყანასთან და ხალხთან აქვს საქმე, რომლის მოტყუება ან აგენტურით მართვა არავინ აღარასდროს უნდა სცადოს!“- წერს მდინარაძე.
მსგავსი სიახლეები
მამუკა მდინარაძე პრეზიდენტს: ევროპამ თავად აღიარა, რომ საქართველო იმსახურებდა კანდიდატის სტატუსს და თქვენ ამბობთ, რომ არ იმსახურებდა – რატომ ემთხვევა ასე თქვენი პოზიციები რადიკალური ოპოზიციის მიზნებს?!
მამუკა მდინარაძე ზურაბიშვილის საფრანგეთში ვიზიტზე: დაგეგმილი ჰქონდათ, რომ შვიდასამდე დეპუტატს მიეღო მონაწილეობა ამ პერფორმანსში, მაგრამ მაქსიმუმ ასამდე დეპუტატი იყო
