ნიკა კვეკვესკირი ეროვნული ნაკრების დახვედრის ცერემონიალის თანაწამყვანი იყო
აფხაზეთიდან დევნილი ფეხბურთელი ნიკა კვეკვესკირი, რომელიც ზუგდიდში გაიზარდა და ფეხბურთში პირველი ნაბიჯი ზუგდიდშივე აიდგა, დღეს საქართველოს ეროვნული ნაკრების დახვედრის ცერემონიალის თანაწამყვანი იყო.
ნიკა კვეკვესკირმა ნაკრების ფეხბურთელები თავისუფლების მოედანზე შეკრებილ გულშემატკივრებს წარუდგინა.
„ძალიან დიდი მადლობა ამ ენერგიისთვის რასაც თქვენ გვაძლევთ და ამ გუნდის უდიდესი ძალა არის ის, რომ თქვენს – გულშემატკივრებს და ჩვენს შორის არის ძალიან მაგარი სინერგია და ამისთვის მადლობას გიხდით“, – ასე მიმართა თავისუფლების მოედანზე შეკრებულ ქომაგებს ნიკა კვეკვესკირმა სცენიდან.
ამ დროისთვის კვეკვესკირი თანაგუნდელებს სცენაზე სათითაოდ იხმობს, გულშემატკივრები კი ფეხბურთელების გვარებს სკანდირებენ.
ამავე თემაზე:
