დღეს 15:00 საათიდან, საყოველთაო გამაფრთხილებელ გაფიცვა მასშტაბით სხვადასხვა მუნიციპალიტეტებში იმართება. საყოველთაო გაფიცვას შეუერთდნენ სამეგრელოში მოქმედი სხვადასხვა კომპანიების, სოციალური საწარმოების და არასამთავრობო ორგანიზაციების ნაწილი.

აღნშნულ ორგანიზაცეიბში გაფიცვა 3 საათი გაგრძელდება. პროტესტის მოთხოვნებია: დაინიშნოს ხელახალი, სამართლიანი არჩევნები და გათავისუფლდნენ აქციებზე დაკავებული მოქალაქეები.

ამ დროის მონაცემებით, გაფიცვას, სამეგრელოს მასშტაბით შეუერთდნენ: ,,ზუგდიდის დამოუკიდებელი ცხოვრების ცენტრი”, ასოციაცია ,,მერკური”, სოციალური საწარმო “მეგობარი” , წალენჯიხის მუნიციპალიტეტის მერია, ასოციაცია „ათინათი“, არასამთავრობო ორგანიზაცია ,,ნეოგენი’’ , ხის სახელოსნო „ციცისგან“, სათამაშოების მაღაზია ,,ბაბილინა” , საოჯახო სასტუმრო Green House hotel, ასოციაცია ,,ხელები მშვიდობისთვის”, საოჯახო ბიზნესი ,,ამიდას აჯიკა” , ბოსტნეულის ცუკატებისა და ჩირების საწარმო ,,კოპეშონი” და ასოციაცია ,,ქსენონი”. ასევე გაიფიცა ზუგდიდის საკრებულოს ათამდე თანამშრომელი, საკრებულოში გაფიცული პირები პარტია „გახარია საქართველოსთვი“ს წევრები და მხარდამჭერები არიან.