“საქართველოს მოსახლეობა არ უნდა მოექცეს იმ პრობლემებში, რა პრობლემებშიც ჭარბვალიანობის გამო მოექცა”, – ასე უპასუხა საქართველოს გარემოს დაცვისა და სოფლის მეურნეობის მინისტრმა, ლევან დავითაშვილმა ჟურნალისტების შეკითხვას ჭარბვალიანობის პრობლემის მოგვარებასთან დაკავშირებით.

მინისტრის თქმით, აღნიშნული პრობლემის მოგვარება პრემიერ-მინისტრ, მამუკა ბახტაძის ახალი რეფორმების ნაწილი იყო.

“რაც შეეხება პრობლემას ჭარბვალიანობასთან დაკავშირებით, თუ ვინმეს რამე აქვს გაკეთებული, პრემიერ-მინისტრ, მამუკა ბახტაძეს ჰქონდა ინიციატივების მთელი პაკეტი, რომელიც მისი, როგორც პრემიერის ახალი რეფორმების ნაწილი იყო. ხელისუფლებას დღეს აქვს მიდგომა, რომელიც ამ პრობლემების მოგვარებას უკავშირდება იმისთვის, რომ საქართველოს მოსახლეობა არ უნდა მოექცეს იმ პრობლემებში, რა პრობლემებშიც ჭარბვალიანობის გამო მოექცა”, – განაცხადა ლევან დავითაშვილმა.