სენაკში, ქალაქის ცენტრალურ პარკში, დაიწყო ცნობილი ქართველი საზოგადო მოღვაწის, გიორგი ჭალადიდელის ბიუსტის რესტავრაცია-კონსერვაციის სამუშაოები. გიორგი ჭალადიდელის ბიუსტი მიმდინარე წლის მაისის ბოლოს დააზიანეს.

მიმდინარე სამუშაოებს სენაკის მუნიციპალიტეტის მერი, ვახტანგ გადელია გაეცნო. ინფორმაციას სენაკის მერია ავრცელებს.

„სარეაბილიტაციო სამუშაოების დაწყებამდე მომზადდა შესაბამისი საკონსერვაციო პროექტი, რომლის ფარგლებში განხორციელდება ორი ბიუსტის – გიორგი ჭალადიდელისა და აკაკი ხორავას ბიუსტების სკულპტუროზული, მექანიკური მეთოდით კონსერვაცია, არსებული მიკრობზარების, დაზიანებული ადგილების აღდგენა, ნაკლული ფრაგმენტების მოდელირება და ფორმირება.

შედეგად, ბიუსტებს დაუბრუნდება პირვანდელი სახე როგორც ვიზუალურად, ასევე სტრუქტურულად, საგრძნობლად გაუმჯობესდება გარე მექანიკური და ქიმიური გამძლეობა, რესტავრაცია-კონსერვაცია უზრუნველყოფს ქანდაკებების დაცვას ღია გარემოში“ – აცხადებენ სენაკის მერიაში.