სენაკში საცურაო აუზის პროექტირებისთვის კონკურსი გამოცხადდა
საქართველოს ინფრასტრუქტურის სამინისტროს მუნიციპალური განვითარების ფონდმა სენაკში ახალი, საერთაშორისო სტანდარტების შესაბამისი დახურული საცურაო აუზის პროექტირებისთვის კონკურსი გამოაცხადა.
გათვალისწინებულია არანაკლებ 200 მაყურებელზე გათვლილი ტრიბუნის, სპორტული და საბავშვო აუზების, სავარჯიშო დარბაზების, გასახდელების და ფიზიოთერაპიის სივრცეების მოწყობა.
განთავსდება სამედიცინო და ადმინისტრაციული ოთახები, საკონფერენციო დარბაზები და კომერციული სივრცეები. ასევე, მოეწყოს თანამედროვე ავტოსადგომები, უსაფრთხოებისა და განათების სისტემები.
სენაკის საცურაო აუზის პროექტის განხორციელება ხელს შეუწყობს ჯანსაღი ცხოვრების წესის პოპულარიზაციას, სპორტულ აქტივობებში ახალგაზრდების ჩართულობას და რეგიონის ეკონომიკურ განვითარებას.
