ზუგდიდის კოლორიტს ოთარ ჭითანავას მაცხოვრიკარის პანთეონში 19 თებერვალს დაკრძალავენ
ზუგდიდის კოლორიტს ოთარ ჭითანავს მაცხოვრის კარის პანთეონში დაკრძალავენ. ოთარ ჭითანავას პანაშვიდი 16 და 17 თებერვალს თბილისის ქაშუეთის ტაძარში 15 საათიდან გაიმართება. ჭითანავას ზუგდიდში 17 თებერვალს, საღამოს გადაასვენებენ. ზუგდიდში პანაშვიდი 18 თებერვალს 15 საათიდან ვლაქერნის ღვთისმშობლის სახელობის ტაძარში გაიმართება. გამოსვენება, იმავე ტაძრიდან ხუთშაბათს, 19 თებერვალს მოხდება.
ოთარ ჭითანავა, 1938 წელს ზუგდიდის სოფელ ჭკადუაშში დაიბადა. დაამთავრა თბილისის სახელმწიფო უნივერსიტეტის გეოგრაფია-გეოლოგიის ფაკულტეტი 1960 წელს. სხვადასხვა დროს სხვადასხვა თანამდებობაზე მუშაობდა, 1999-2004 წლებში საქართველოს მე-5 მოწვევის პარლამენტის წევრი იყო.
ოთარ ჭითანავას გარდაცვალებასთან დაკავშირებით სამძიმარი გაავრცელეს სამეგრელო-ზემო სვანეთის სახელმწიფო რწმუნებულმა დავით ვერავამ, ზუგდიდის მერმა დავით კოდუამ, საკრებულოს თავმჯდომარემ მამუკა წოწერიამ და მუნიციპალიტეტის დელეგატმა საქართველოს პარლამენტში ედიშერ თოლორაიამ.
