სახელმწიფო რწმუნებულის „სოფლის მხარდაჭერის პროგრამის“ პრიორიტეტების შერჩევას ნაკიფუსა და ქვედა ჩხოროწყუში დაესწრო
სამეგრელო-ზემო სვანეთის სახელმწიფო რწმუნებული დავით ვერავა, სოფლის მხარდაჭერის პროგრამის ფარგლებში წალენჯიხის მუნიციპალიტეტის სოფელ ნაკიფუსა და ჩხოროწყუს მუნიციპალიტეტის სოფელ ქვედა ჩხოროწყუში მოსახლეობას შეხვდა. სახელმწიფო რწმუნებულთან ერთად შეხვედრებს შესაბამისი მუნიციპალიტეტების მერები და საკრებულოს თავმჯდომარეები ესწრებოდნენ.
2026 წელს, წალენჯიხის მუნიციპალიტეტში, „სოფლის მხარდაჭერის პროგრამის“ ფარგლებში, ჯამში გამოყოფილია 644 000 ლარი, ჩხოროწყუს მუნიციპალიტეტისთვის კი 446 000 ლარი.
პროგრამის ფარგლებში სოფლებისთის თანხის გადანაწილება მოსახლეობის რაოდენობის მიხედვით ხორციელდება. გამოყოფილი ბიუჯეტით კი ადმინისტრაციულ ერთეულებში მოქალაქეების მიერ ხმათა უმრავლესობით შერჩეული პროექტების განხორციელება მოხდება.
„სოფლის მხარდაჭერის პროგრამის" ფარგლებში, სამეგრელო-ზემო სვანეთის რეგიონის მასშტაბით, შეხვედრები ყველა დასახლებულ პუნქტში გაიმართება.
