ადგილობრივი მნიშვნელობის ნაკიფუ-ულურიას საავტომობილო გზის რეაბილიტაცია დაიწყო
ადგილობრივი მნიშვნელობის ნაკიფუ-ულურიას საავტომობილო გზის რეაბილიტაცია დაიწყო.
სამუშაოების მიმდინარეობას წალენჯიხის მუნიციპალიტეტის მერი გუბა საჯაია, მერის პირველ მოადგილესთან ბესიკ ფარცვანიასთან ერთად გაეცნო.
სარეაბილიტაციო მონაკვეთი 4 კილომეტრზე, ნაკიფუ-ულურია-ჩხოროწყუს მუნიციპალიტეტის სოფელ ჯუმითს დაუკავშირდება.
პროექტი სახელმწიფო ბიუჯეტიდან ფინანსდება და სამუშაოებს საავტომობილო გზების დეპარტამენტი ასრულებს.ამ ეტაპზე გზის ვაკისის მოხსნა-მოშანდაკების სამუშაოები მიმდინარეობს.
აღნიშნულ გზაზე ბოლო 30 წელზე მეტია სარეაბილიტაციო სამუშაოები არ ჩატარებულა, დაზიანებული საფარი კი მოსახლეობის ყოველდღიურ გადაადგილებას მნიშვნელოვნად ართულებდა.
პროექტის ფარგლებში განხორციელდება გზის სრული რეაბილიტაცია, ასფალტო-ბეტონის საფარის მოწყობა, კიუვეტებისა და სანიაღვრე არხების გამართვა.
