ჩხოროწყუს მუნიციპალიტეტში კულტურული მემკვიდრეობისა და ტურისტული პოტენციალის განვითარების მიმართულებით სხვადასხვა ღონისძიება ხორციელდება.

ამ მიზნით, მუნიციპალიტეტის მერი ჯუმბერ იზორია, პირველ მოადგილე ლაშა ჟვანიასთან, მერიის კულტურის, განათლებისა და ძეგლთა დაცვის სამსახურისა და ისტორიული მუზეუმის ხელმძღვანელებთან ერთად, ტურისტული ობიექტების მონახულებას აგრძელებს.

ჯუმბერ იზორიას ინიციატივით შექმნილია სპეციალური კომისია, რომელიც მუნიციპალიტეტის ტერიტორიაზე არსებულ კულტურული მემკვიდრეობის ძეგლებსა და ტურისტული პოტენციალის მქონე ადგილებს ადგილზე სწავლობს და ობიექტებამდე მისასვლელი საგზაო ინფრასტრუქტურის მდგომარეობას ეცნობა.

მერმა, კომისიის წევრებთან ერთად, ამჯერად სოფელ მუხურში, ლუგელას ხეობასა და სოფელ თაიაში არსებული მღვიმეები მოინახულა. იგი ასევე იმყოფებოდა წმინდა გიორგის სახელობის მონასტერში. აღსანიშნავია, რომ სოფელ თაიაში, 3 კილომეტრიან მონაკვეთზე, ბეტონის გზის დაგების სამუშაოები მიმდინარეობს.

პირველ ეტაპზე იგეგმება მღვიმეებამდე მისასვლელი გზის რეაბილიტაცია, რაც მნიშვნელოვნად გააუმჯობესებს აღნიშნულ ობიექტებთან მისასვლელ პირობებს და გაზრდის მათ ხელმისაწვდომობას როგორც ადგილობრივი მოსახლეობისთვის, ასევე ვიზიტორებისთვის. ეს პროექტი ხელს შეუწყობს მუნიციპალიტეტში ტურიზმის განვითარებას, კულტურული მემკვიდრეობის დაცვასა და პოპულარიზაციას.