მერმა მრავალშვილიან დედებს დამდეგი აღდგომა მიულოცა და საკუთარი სახელფასო ფონდიდან 500 ლარიანი ბარათები გადასცა
ჩხოროწყუს მუნიციპალიტეტის მერი ჯუმბერ იზორია, სოციალური სამსახურის უფროს კახა შელიასთან ერთად, სოფელ თაიაში მცხოვრებ 12 შვილის დედას, ეთერ ოთხოზორიას ესტუმრა. მერმა მას აღდგომის ბრწყინვალე დღესასწაულთან დაკავშირებით საკუთარი სახელფასო ფონდიდან 500-ლარიანი ბარათი და ტკბილეული გადასცა.
აღნიშნული ინიციატივის ფარგლებში, მერმა, საკრებულოს თავმჯდომარე ჯანო პერტაიასა და თავმჯდომარის პირველ მოადგილე კობა ჯიქიასთან ერთად, მრავალშვილიან დედებს მერიაში უმასპინძლა. შეხვედრისას მათ აღდგომის დღესასწაული მიულოცეს და საჩუქრად 500-500 ლარიანი ბარათები გადასცეს.
მუნიციპალური პროგრამის ფარგლებში კი, სააღდგომო ნობათს კიდევ 100 ბენეფიციარი მიიღებს. 100-ლარიანი სასაჩუქრე ბარათები გადაეცემათ მრავალშვილიან, სოციალურად დაუცველ, მარტოხელა და მძიმე ეკონომიკურ პირობებში მყოფ ოჯახებს, ასევე შეზღუდული შესაძლებლობის მქონე პირებს.
