ქალი, რომელიც ზვიად გამსახურდიას ბანდიტად მოიხსენიებდა ზუგდიდის მერობა სურს
სანდრა ელისაბედ რულოვსი თავისსაავტორო წიგნში სახელწოდებით „იდეალისტის ნაამბობი” საქართველოს პირველ პრეზიდენტ ზვიად გამსახურდიაზე წერს:
„90-იანი წლების დასაწყისში საქართველოში ორი არაფორმალური ბანდიტური დაჯგუფება მოქმედებდა და, ორივეს ძარცვასა და ტერორში ჰქონდა ხელი გასვრილი. ერთი ზვიად გამსახურდიას ეკუთვნოდა (საქართველოს პირველ პრეზიდენტს, რომელიც 1994 წლის დასაწყისში გაურკვეველ ვითარებაში გარდაიცვალა სამეგრელოში)…”
ამონარიდი წიგნიდან: „იდეალისტის ნაამბობი”
ავტორი: სანდრა რულოვსი გამომცემლობა „ლIნკ”, თბილისი 2005, გვ.40
ცნობისათვის, დღეს გამართულ ბრიფინგზე ცნობილი გახდა, რომ პოლიტიკური გაერთიანება „ძალა ერთობაშია“ ზუგდიდის მუნიციპალიტეტში მერის რიგგარეშე არჩევნებში კანდიდატად საქართველოს ყოფილ პირველ ლედის, სანდრა რულოვსს წარადგენს.
2016 წელს სანდრა რულოვსი საპარლამენტო არჩევნებში ზუგდიდის მაჟორიტარ დეპუტატად იყრიდა კენჭს. მან არჩევნების მეორე ტურში მონაწილეობაზე უარი განაცხადა.
ზუგდიდის მუნიციპალიტეტის მერის თანამდებობა ვაკანტური მას შემდეგ გახდა, რაც შარშან, სექტემბერში ლაშა გოგიამ თანამდებობა დატოვა. ზუგდიდის მუნიციპალიტეტში მერის რიგგარეშე არჩევნები მაისში ჩატარდება.
