ზუგდიდში, ცენტრალური ბულვარის მიმდებარე ტერიტორიაზე ბრიტანეთის საელჩოს საქმიანობის შესახებ გამოფენა მოეწყო. ღონისძიების ფარგლებში, სტუმრებს გაესაუბრება ელჩის მოადგილე, ალექს კოლი და ზუგდიდელებისგან მოისმინა იდეები, თუ როგორ შეიძლება კიდევ უფრო მტკიცე კავშირების გაბმა ბრიტანელ და ქართველ ხალხს შორის.

„ძალიან მოხარულები ვართ, რომ დღეს ზუგდიდში ვიმყოფებით. ეს არის „ბრიტანეთ-საქრათველოს სეზონი 2019“ წლის ფარგლებში მიმდინარე პროექტი, რაც ბევრ ღონისძიებას მოიცავს და ქვეყნებს შორის მეგობრობის გაღრმავებას ემსახურება. გვაქვს პროექტი მოძრავი საელჩო. დავადვათ ყველა რეგიონში, გვაქვს ძალიან ბევრი საინტერესო გამოკითხვები და საინტერესო ფაქტები ბრიტანეთთან დაკავშირებით. ასევ ძალიან გვიხარია, რომ ჩართულები არიან ქალები ოკუპირებული აფხაზეთიდან. ეს პროექტი არის გაეროს მიერ დაფინანსებული“, – ამბობს ელჩის მოადგილე.

მისივე თქმით, დიდი ბრიტანეთი საქართველოში მხარს უჭერს კონფლიქტით დაზარალებულ ქალებს სამეწარმეო უნარ- ჩვევების განვითარებაში.