ზუგდიდში, თანამედროვე სტანდარტების შესაბამისი ახალი საბავშვო ბაღი გაიხსნება [ფოტო]
![ზუგდიდში, თანამედროვე სტანდარტების შესაბამისი ახალი საბავშვო ბაღი გაიხსნება [ფოტო]](/_next/image?url=https%3A%2F%2Fapi.stv.ge%2Fuploads%2F2020%2F02%2F%E1%83%91%E1%83%90%E1%83%A6%E1%83%98%E1%83%98.jpg&w=3840&q=75)
ზუგდიდში, ბერიას ქუჩაზე თანამედროვე სტანდარტების შესაბამისი ახალი ბაღი ორშაბათს ოფიციალურად გაიხსნება. როგორც ზუგდიდის მუნიციპალიტეტის მერიაში აცხადებენ, ბაღში იფუნქციონირებს 5 ჯგუფი, რომელიც 125 აღსაზრდელს მიიღებს.
ახალი ბაღი ადაპტირებულია შეზღუდული შესაძლებლობების მქონე პირებისთვის. ბაღის მშენებლობისთვის ბიუჯეტიდან 1 167 999 ლარი დაიხარჯა.
ცნობისთვის, ბერიას ქუჩაზე არსებული ბაღი ავარიული იყო, რის გამოც ბავშვებს კერძო სახლში, ნაქირავებ ფართში უწევდათ სკოლამდელი განათლების მიღება. ახალი ბაღის მშენებლობით კი ეს პრობლემა სრულად მოგვარდა.
- ზუგდიდის მუნიციპალიტეტში 2013 წლიდან დღემდე, 20-მდე საბავშვო ბაღს ჩაუტარდა რეაბილიტაცია, ახალი თანამედროვე სტანდარტების შესაბამისი საბავშვო ბაღი კი 2018 წელს ახალკახათში აშენდა.
