სოფელ ახალკახათში სანიაღვრე არხების გაჭრა მიმდინარეობს, რაც წყალმოვარდნების რისკს მაქსიმალურად შეამცირებს

ზუგდიდის მუნიციპალიტეტის საკრებულოს თავმჯდომარე მამუკა წოწერია, დილიდან ახალკახათში იმყოფება, სადაც ახალი სანიაღვრე არხის მოწყობის და ძველი სანიაღვრე არხების ამოწმენდის სამუშაოები მიმდინარეობს.

გუშინ მოსულმა უხვმა ნალექმა, ზუგდიდის მუნიციპალიტეტის სოფელ ახალკახათს მნიშვნელოვანი პრობლემები შეუქმნა, ძლიერი წვიმების შედეგად საკარმიდამო ნაკვეთები და თხილნარები დაიტბორა. პრობლემა 25-მდე ადგილობრივ მცხოვრებს შეექმნა.

,,ბოლო დღეებში მოსულმა უხვმა ნალექმა მნიშვნელოვანი პრობლემები შეუქმნა ახალკახათის მოსახლეობას, დაიტბორა მათი საკარმიდამო ნაკვეთები, ასევე თხილნარი. შესაბამისად, ჩვენ მოსახლეობასთან კონსულტაციით დავგეგმეთ გარკვეული სამუშაოები. ხდება ორი ძველი სანიაღვრე არხის განახლება, გაფართოება და კაპიტალურად ამოწმენდა , ასევე ამ ორი არხის დამაკავშირებელი ახალი სანიაღვრე არხის გათხრა. ეს სამუშაოები მნიშვნელოვნად შეამცირებს წყალმოვარდნების რისკს და მსგავსი პრობლემები ამ სოფელს აღარ შეექმნება”-განაცხადა მამუკა წოწერიამ.