განმუხურში, პლაჟზე მდგარ გემზე ბიბლიოთეკა განთავსდება ამის შესახებ ინფორმაციას საქართველოს ეროვნული ბიბლიოთრკის დირექტორი გიორგი კეკეკლიძე ავრცელებს.

„ნიკო კვარაცხელიას სახელობის გემი-ბიბლიოთეკა – მრავალმხრივი მოლაპარაკება დასრულდა. ზუგდიდის მუნიციპალიტეტის მერიისგან თანხმობა მივიღეთ.

ეს იქნება სოფელ განმუხურში მდგარი გემი-ბიბლიოთეკა, სადაც სპეციალური სამკითხველოები მოეწყობა და არის განზრახვა, რომ გემბანზე სამომავლოდ საზაფხულო ლიტერატურული კაფეც გაჩნდეს. გარდა ნიკო კვარაცხელიას სახელისა, რომელიც ნაადრევად გამოვასალმეთ სიცოცხლეს და რომლის სახელიც განათლებულ მომავალთან კავშირს გულისხმობს, ეს ჩვენი აფხაზი თანამოქალაქეებისთვის ერთგვარი შეხსენება იქნება იმისა, რომ ერთმანეთთან მიმავალი გზა სწორედ ცოდნისაა“ – წერს კეკელიძე.