სამეგრელო-ზემო სვანეთის გუბერნატორის მილოცვა
სამეგრელო-ზემო სვანეთის სახელმწიფო რწმუნებული მოქალაქეებს ახალ წელს ულოცავს:
,,გილოცავთ შობა-ახალ წელს, წარმატებების მომტანი წელი ყოფილიყოს ჩვენი რეგიონისა და სრულიად საქართველოსთვის. ეს წელი უმნიშვნელოვანესი მიღწევების წელი იყო საქართველოსთვის, ჩვენი ხელისუფლების უზარმაზარი შრომისა და გატარებული რეფორმების შემდეგ, ჩვენ მოგვენიჭა ევროკავშირის წევრობის კანდიდატი ქვეყნის სტატუსი. კიდევ ერთხელ გილოცავთ ყველას ამ ისტორიულ წარმატებას!
მადლობა თითოეულ ადამიანს ვინც გასულ წელს ასახელა ჩვენი რეგიონი, სპორტისა და კულტურის მოღვაწეებს ვინც ჩვენი სახელი საზღვარგარეთაც გაიტანა, მადლობა სხვადასხვა პროფესიის მქონე თითოეულ ადამიანს, ვინც კეთილსინდისიერად ემსახურებოდა სამეგრელო-ზემო სვანეთს.
ამ დღეს განსაკუთრებულად ვულოცავ ადამიანებს, ვინც საყოველთაო ზეიმის დროსაც კი ჩვენი ჯანმრთელობისა და უსაფრთხოების დაცვისთვის მუშაობენ, დგანან ქვეყნისა და ხალხის სადარაჯოზე. ვულოცავ ჩვენი რეგიონის თითოეულ მაცხოვრებელს, ჩვენს აფხაზ და ოს მოქალაქეებს, სრულიად საქართველოს – გამთლიანების, წარმატებების, სიკეთის წელი ყოფილიყოს.მრავალ ახალ წელს!” ნათქვამია გიორგი გუგუჩიას განცხადებაში.
