ზუგდიდში, ბერიას ქუჩაზე თანამედროვე სტანდარტების შესაბამისი ახალი ბაღი შენდება
ზუგდიდში, ბერიას ქუჩაზე თანამედროვე სტანდარტების შესაბამისი ახალი ბაღი შენდება. როგორც ზუგდიდის მუნიციპალიტეტის მერიაში აცხადებენ, ბაღში იფუნქციონირებს 5 ჯგუფი, რომელიც 125 აღსაზრდელს მიიღებს და შენობა შეზღუდული შესაძლებლობების მქონე პირებისთვის ადაპტირებული იქნება.
ბაღის მშენებლობისთვის ბიუჯეტიდან 1 167 999 ლარი იხარჯება. ცნობისთვის, ბერიას ქუჩაზე არსებული ბაღი ავარიული იყო, რის გამოც ბავშვებს კერძო სახლში, ნაქირავებ ფართში უწევთ სკოლამდელი განათლების მიღება.
სამშენებლო სამუშაოები ერთ წელიწადში დასრულდება.
ზუგდიდის მუნიციპალიტეტში 2013 წლიდან დღემდე, 20-მდე საბავშვო ბაღს ჩაუტარდა რეაბილიტაცია, ახალი თანამედროვე სტანდარტების შესაბამისი საბავშვო ბაღი კი 2018 წელს ახალკახათში აშენდა.
![ზუგდიდში, თანამედროვე სტანდარტების შესაბამისი ახალი საბავშვო ბაღი გაიხსნება [ფოტო]](/_next/image?url=https%3A%2F%2Fapi.stv.ge%2Fuploads%2F2020%2F02%2F%E1%83%91%E1%83%90%E1%83%A6%E1%83%98%E1%83%98.jpg&w=3840&q=75)
