ზუგდიდის მერია: გათიშული 5900 აბონენტიდან 3400 აბონენტს ელექტრომომარაგება აღუდგა
ზუგდიდის მუნიციპალიტეტში, პრობლემურ ადმინისტრაციულ ერთეულებში დღის განმავლობაში ელექტროენერგიის აღსადგენად 19 ჯგუფი უწყვეტ რეჟიმში მუშაობს. ელექტროენერგიის გარეშე დარჩენილი 5900 აბონენტიდან, ელექტროენერგია უკვე აღუდგა 3400 აბონენტს. ,,ენერგო პრო ჯორჯიას" ჯგუფები უწყვეტ რეჟიმში აგრძელებენ მუშაობას ელექტროენერგიის სრულად აღსადგენად.
ზუგდიდის მერიის შესაბამისი სამსახურები 24-საათიან რეჟიმში განაგრძობენ მუშაობას. შექმნილია ცხელი ხაზი: 591 17 17 99 | 577 190 436.
დიდთოვლობის დროს, მერიამ მყისიერად იმუშავა პრობლემების აღმოსაფხვრელად, მუშაობდა 22 სპეციალიზებული ტექნიკა, ინტენსიურად იწმინდებოდა ცენტრალური გზები. დღეს, დღის განმავლობაში კი გაიწმინდა შიდა საუბნო გზები.
