სოფელ კირცხში საგზაო ინფრასტრუქტურის მოწყობა მიმდინარეობს
სოფელ კირცხში, სამალანიოს უბანში, საავტომობილო გზის 3-კილომეტრიანი მონაკვეთის ასფალტის საფარით რეაბილიტაცია ხორციელდება.
პროექტი ასევე სანიაღვრე არხებისა და მილ-ხიდების მოწყობას ითვალისწინებს.
გზის სარეაბილიტაციო სამუშაოების მიმდინარეობას მუნიციპალიტეტის მერი ჯუმბერ იზორია კირცხის მაჟორიტარ დეპუტატ ალიკა მალანიასთან ერთად გაეცნო.
პროექტი რეგიონში განსახორციელებელი პროექტების ფონდისა და ადგილობრივი ბიუჯეტის თანადაფინანსებით ხორციელდება და მიმდინარე წელს დასრულდება.
სოფელ კირცხში საგზაო ინფრასტრუქტურის მოწყობა ასევე სარაქონის, ნაშელუსა და საჯიქიოს უბნებში მიმდინარეობს.
