სამეგრელო-ზემო სვანეთის სახელმწიფო რწმუნებული დავით ვერავა, რეგიონის მუნიციპალიტეტების მერებთან ერთად, ახალგაზრდობის სააგენტოს ხელმძღვანელის მოვალეობის შემსრულებელს ვახტანგ ბააკაშვილს შეხვდა. ინფორმაციას სახელმწიფო რწმუნებულის ადმინსიტრაციის პრესსამაახური ავრცელებს.

სამუშაო შეხვედრის ფარგლებში, სააგენტოს ხელმძღვანელმა, დეტალურად ისაუბრა ახალგაზრდობის სააგენტოს მიერ დაგეგმილი პროგრამების შესახებ.

შეხვედრაზე აღინიშნა, რომ ახალგაზრდების პოტენციალის რეალიზებისთვის ხელსაყრელი და სრულფასოვანი გარემოს შესაქმნელად ცენტრალური და მუნიციპალური უწყებების მჭიდრო თანამშრომლობას განსაკუთრებული მნიშვნელობა აქვს. დაიგეგმა საერთო აქტივობები, რომელიც მუნიციპალიტეტებში მცხოვრებ ახალგაზრდებს ახალ შესაძლებლობებსა და გამოცდილებას მისცემს.