ხობის მუნიციპალიტეტის საგვიჩიოს ადმინისტრაციულ ერთეულში გზის რეაბილიტაციის დასკვნითი ეტაპის სამუშაოები მიმდინარეობს.

პროექტის შესაბამისად 3,3-კილომეტრიან მონაკვეთზე იგება ასფალტ-ბეტონის საფარი და მოეწყობა ეზოებთან მისასვლელები. სამუშაოს სახელშეკრულებო ღირებულება 2 მილიონ 180 ათასი ლარია.

შიდა სასოფლო გზის რეაბილიტაცია საქართველოს რეგიონებში განსახორციელებელი პროექტების ფონდისა და ადგილობრივი ბიუჯეტის დაფინანსებით ხორციელდება.

გზის სარეაბილიტაციო სამუშაოები უახლოეს პერიოდში დასრულდება და მოქალაქეებს კეთილმოწყობილი საგზაო ინფრასტრუქტურით სარგებლობის შესაძლებლობა ექნებათ.