11 წლის სენაკელმა მოჭადრაკემ, სენაკის მუნიციპალიტეტის სასპორტო გაერთიანების სასპორტო სკოლის მოსწავლემ, ნიკოლოზ გოგიამ, 12 წლის მოჭადრაკეთა შორის, რეგიონული ჩემპიონატის ვერცხლის მედალი და საქართველოს ჩემპიონატის უმაღლესი ლიგის საგზური მოიპოვა.

უმაღლესი ლიგის საგზური ასევე მოიპოვა წარმატებულმა სენაკელმა მოჭადრაკემ, სენაკის სასპორტო გაერთიანების სასპორტო სკოლის მოსწავლემ, კონსტანტინე ჯანაშიამ.

მწვრთნელ-მასწავლებლები: ზურაბ ლიფონავა და მერაბ ჯღამაძე.

ნიკოლოზ გოგიას მიღწევების შესახებ: 11 წლის მოჭადრაკე რესპუბლიკური, საერთაშორისო და საკვალიფიკაციო ტურნირებისა და ჩემპიონატების არაერთგზის გამარჯვებულია.

2025 წელს გამართულ ჩემპიონატზე, 120 მოჭადრაკეს შორის, 12 წლამდე ასაკობრივ კატეგორიაში, 10 წლის ნიკოლოზმა, პირველი ადგილი და ჩემპიონის ტიტული მოიპოვა, 2025 წელს ასევე გახდა ვიცე-ჩემპიონის ტიტულის მფლობელი.

გასულ წელს - 13 წლამდე ასაკობრივ კატეგორიაში, ბრინჯაოს მედალი და საქართველოს ჩემპიონატის უმაღლესი ლიგის საგზური.

2024 წელს - ნიკოლოზმა, 12 წლამდე ასაკობრივ კატეგორიაში, ჩემპიონის ტიტული და საქართველოს ჩემპიონატის უმაღლესი ლიგის საგზური მოიპოვა.