ზვიად გამსახურდიას საპრეზიდენტო ცენტრი 31 მარტს გამოფენას და საჯარო ლექციას უმასპინძლებს
31 მარტს საქართველოს კულტურის სამინისტროსა და ზუგდიდის მუნიციპალიტეტის მერიის მხარდაჭერით საქართველოს სასახლე-მუზეუმების გაერთიანება ზვიად გამსახურდიას საპრეზიდენტო ცენტრში გამოფენას „თანამედროვე ქართული ხელოვნება დადიანების სასახლეების კოლექციებიდან” და საქართველოს ეროვნული ბიბლიოთეკის დირექტორის კონსტანტინე გამსახურდიას საჯარო ლექციას „ზვიად გამსახურდია, მებრძოლი სამშობლოსა და ერი-სახელმწიფოსთვის, მომავლის მოღვაწე” უმასპინძლებს. ამის შესახებ ინფორმაციას საქართველოს სასახლე-მუზეუმების გაერთიანების ხელმძღვანელი გიორგი კალანდია ავრცელებს.
„გამოფენაზე წარმოდგენილი იქნება XX საუკუნის ქართული ფერწერის ერთ-ერთი უმნიშვნელოვანესი კოლექცია. კოლექცია ასახავს ქართული მხატვრობის განვითარებას სხვადასხვა თაობისა და მიმდინარეობების მიხედვით. აქ თავმოყრილია როგორც კლასიკური, ისე მოდერნისტული მხატვრობის წარმომადგენელთა ნამუშევრები — ელენე ახვლედიანის ლირიკული ქალაქური პეიზაჟებიდან და გივი თოიძის ისტორიულ-დოკუმენტური ხედვებიდან დაწყებული, თანამედროვე ავტორთა ინტერპრეტაციებით დასრულებული. კოლექციაში გამორჩეული ადგილი უკავია ელენე ახვლედიანს, რომლის შემოქმედება ქართულ ქალაქს პოეტურ სახეს სძენს და ევროპული მოდერნიზმის გავლენებს ადგილობრივ ტრადიციებთან აერთიანებს. კოლექციაში ასევე წარმოდგენილია ლადო გუდიაშვილი, ედმონდ კალანდაძე, გივი თოიძე და სხვა მნიშვნელოვანი მხატვრები, რომელთა ნამუშევრები ერთობლივად ქმნიან მრავალფეროვან სურათს XX საუკუნის ქართული ფერწერის ევოლუციაზე“ - წერს გიორგი კალანდია.
გამოფენა გაიხსნება 14:00 საათზე, საჯარო ლექცია კი დაიწყება 15:00 საათზე. დასწრება თავისუფალია!
მისამართი: ზვიად გამსახურდიას საპრეზიდენტო ცენტრი, ზუგდიდი, ზ. გამსახურდიას 1
ამავე თემაზე:
ზვიად გამსახურდია 87 I ღონისძიებაზე ზუგდიდში მისი შვილიშვილი დაუკრავს
მსგავსი სიახლეები
პრემიერმა ზუგდიდში ზვიად გამსახურდიას სახელობის ახალგაზრდული ცენტრი, ბიბლიოთეკა და მუზეუმი დაათვალიერა
არჩეულმა მერმა და გუბერნატორმა მერაბ კოსტავასა და ზვიად გამსახურდიას ხსოვნას პატივი მიაგეს
