საქართველოს პირველი პრეზიდენტის დაბადებისა და საქართველოს დამოუკიდებლობის რეფერენდუმის ჩატარების დღეს - ზუგდიდში ზვიად გამსახურდიას საპრეზიდენტო ცენტრი ოფიციალურად გაიხსნა. ღონისძიებაში ვიცე-პრემიერი/თავდაცვის მინისტრი ირაკლი ჩიქოვანი მონაწილეობდა:

„ზუგდიდს ზვიად გამსახურდიასთან და თავად პირველ პრეზიდენტს ზუგდიდთან განსაკუთრებული ურთიერთობა აკავშირებდათ, სწორედ ამიტომ ნიშანდობლივია, რომ საქართველოში პირველი საპრეზიდენტო ცენტრი სწორედ ამ ისტორიულ ქალაქში აშენდა.

ზვიად გამსახურდია თავისუფლებისთვის მებრძოლი თანამედროვეობის ეროვნული გმირია, რომელის სახელს საქართველოს უახლოეს ისტორიაში უმნიშვნელოვანესი მოვლენები უკავშირდება.

ზუგდიდში ზვიად გამსახურდიას სახელის უკვდავსაყოფად კიდევ ერთი ნაბიჯი გადადგმულია. ისტორიასთან ერთად ჩვენ აქ შევქმნით მომავალს! ეს ცენტრი მომავალი თაობის და მათი იდეების გენერირების მთავარი ადგილი გახდება.

ამ დღეს განსაკუთრებულად ვულოცავ ჩემს ზუგდიდელებს, პირველი პრეზიდენტის თანამებრძოლებს, მისი ოჯახის წევრებს. მეამაყება, რომ ამ ეროვნული მნიშვნელობის პროექტის შექმნის პროცესში პატარა წვლილის შეტანა მეც შევძელი. მხარდაჭერისთვის განსაკუთრებული მადლობა მინდა გადავუხადო პრემიერ-მინისტრს, კულტურის მინისტრს, პროცესში ჩართულ თითოეულ ადამიანს“ - აცხადებს ირაკლი ჩიქოვანი.

ღონისძიებას ვიცე-პრემიერტან ერთად კულტურის მინისტრი თინათინ რუხაძე, სამეგრელო-ზემო სვანეთის სხელმწიფო რწმუნებული დავით ვერავა და ზუგდიდის მერი დავით კოდუა, საზოგადოების სხვადასხვა სფეროს წარმომადგენლებტან ერტად ესწრებოდნენ.