ზუგდიდში ნეიროგანვითარების ცენტრის ახალი ფილიალი გაიხსნა
სამეგრელო-ზემო სვანეთის მხარეში სახელმწიფო რწმუნებული დავით ვერავა, ნეიროგანვითარების ცენტრ „ენდისის“ ზუგდიდის მეორე ფილიალის გახსნას დაესწრო. ცენტრის პირველი ფილიალი ზუგდიდში 2016 წლიდან ფუნქციონირებს, ამ ეტაპზე კი 200-მდე მოზარს ემსახურება. ცენტრი ნეიროგანვითარების მიმართულებით სახელმწიფო და მუნიციპალურ პროგრამებს ახორციელებს.
ზუგდიდის მუნიციპალიტეტის მერია აუტიზმის სპექტრის დარღვევის მქონე ბავშვთა აბილიტაციის პროგრამას 2016 წლიდან ახორციელებს. პროგრამის ამოცანაა სამიზნე ჯგუფში შემავალი ბავშვების კომუნიკაციური, მოტორული, ქცევითი და ვერბალური უნარების გაუმჯობესება, სოციალიზაციის ხელშეწყობა.
გარდა სახელმწიფო პროგრამებისა, მუნიციპალიტეტი ასევე ახორციელებს სხვადასხვა სახის ინტელექტუალური შეზღუდვისა და ქცევითი აშლილობის მქონე ბავშვებისთვის რეაბილიტაციის დაფინანსებას.
