სენაკის მუნიციპალიტეტს კიდევ ორი მინი სპორტული მოედანი შეემატება.

მენჯის ადმინისტრაციული ერთეულის სოფელ საწულეისკირიოში მიმდინარეობს მინი სპორტული მოედნის მოწყობის სამუშაოები.

პროექტის ღირებულება 106 924 ლარს შეადგენს.

სპორტული მოედნის სარეაბილიტაციო სამუშაოები ასევე მიმდინარეობს ძველი სენაკის ადმინისტრაციული ერთეულის სოფელ კოტიანეთში.

პროექტის ღირებულება 94 344 ლარია.

სამუშაოების ფარგლებში, ეწყობა ხელოვნურსაფარიანი მოედნები, გარე განათების სისტემები, შემოიღობება სტადიონები.

სამუშაოები ხორციელდება საქართველოს რეგიონებში განსახორციელებელი პროექტების ფონდის დაფინანსებითა და სენაკის მერიის თანადაფინანსებით.

სამუშაოების მიმდინარეობას სენაკის მუნიციპალიტეტის მერი, ვახტანგ გადელია, პირველ მოადგილე ბადრი ქუთელიასთან და ზედამხედველობის სამსახურის უფროსთან, ედიკა ბერაიასთან ერთად, ადგილზე გაეცნო.

ბოლო წლების მანძილზე, სპორტული ინფრასტრუქტურის მოწყობა-რეაბილიტაციის პროექტების ფარგლებში, სენაკის მუნიციპალიტეტს 41 მინი სპორტული მოედანი მოეწყო.

ცენტრალური ხელისუფლების მხარდაჭერით, მუნიციპალიტეტს, ასევე შეემატება ახალი მულტიფუნქციური ცენტრი და საცურაო კომპლექსი.

სპორტული სივრცეების შექმნა, სპორტული ინფრასტრუქტურის განვითარება და ახალგაზრდებში ცხოვრების ჯანსაღი წესის პოპულარიზაცია, ადგილობრივი თვითმმართველობის საქმიანობის ერთ-ერთ მნიშვნელოვანი პრიორიტეტია.