დავით კოდუა: ჩვენ, ცენტრალურ ხელისუფლებასთან ერთად, ძალიან ბევრს ვაკეთებთ განათლების ხელშეწყობის მიმართულებით
ზუგდიდის მუნიციპალიტეტის მერმა დავით კოდუამ, ახალი სასწავლო წლის დაწყება მოსწავლეებს, მშობლიურ დარჩელის N 1 საჯარო სკოლიდან მიულოცა.
,,გილოცავთ ახალი სასწავლო წლის დაწყებას მოსწავლეებს, მშობლებსა და მასწავლებლებს, რომლებიც ყველაფერს აკეთებენ, იმისთვის რომ გვყავდეს განათლებული თაობა, რომელიც აუცილებელია ჩვენი ქვეყნის განვითარებისთვის. დღევანდელი დღე განსაკუთრებით მნიშვნელოვანი და ემოციურია პირველკლასელებისთვის, რომლებმაც პირველად შეაღეს სკოლის კარი.
ჩვენ, ცენტრალურ ხელისუფლებასთან ერთად, ძალიან ბევრს ვაკეთებთ განათლების მიმართულებით და დარწმუნებული ვარ ამ ხელშეწყობას ჩვენი ქვეყნის განვითარებისთვის გამოიყენებთ.
კიდევ ერთხელ გილოცავთ და წარმატებებს გისურვებთ. მჯერა თქვენთან ერთად უფრო წარმატებულ ქვეყანას ავაშენებთ“-აღნიშნა დავით კოდუამ მილოცვისას.
დარჩელის N 1 საჯარო სკოლაში დღეს ახალი სპორტული მოედანი გაიხსნა, რომლის რეაბილიტაციისთვის 220 000 ლარამდე დაიხარჯა.
ჯამში, მიმდინარე წელს ზუგდიდის მუნიციპალიტეტის მასშტაბით სხვადასხვა სკოლაში 22 პროექტი განხორციელდა, რომლისთვისაც 1 230 036 ლარი სახელმწიფო და ადგილობრივი ბიუჯეტიდან გამოიყო.
დარჩელის საჯარო სკოლაში ზუგდიდის მუნიციპალიტეტის მერთან ერთად საკრებულოს თავმჯდომარე მამუკა წოწერია და ზუგდიდის საგანმანათლებლო რესუესცენტრის ხელმძღცანელი მამუკა ბულია იმყოფებოდნენ.
წელს, ზუგდიდის მუნიციპალიტეტს 1072 პირველკლასელი ჰყავს.
