სამეგრელო-ზემო სვანეთის მხარის ახალი გუბერნატორი ალექსანდრე მოწერელია სამეგრელოში ხვალ ჩავა. მოწერელიას საზოგადოებას და სამეგრელკო-ზემო სვანეთის მხარის ადმინისტრაციას საქართველოს ინფრასტრუქტურისა და რეგიონალური განვითარების მინისტრი მაია ცქიტიშვილი წარადგენს.

შეგახსენებთ, რომ პრემიერმა სამეგრელო-ზემო სვანეთის გუბერნატორად ალექსანდრე მოწერელია დღეს წარადგინა. ალექსანდრე მოწერელიამ აღნიშნულ პოსტზე ლევან შონია ჩაანაცვლა.

ცნობისთვის, ალექსანდრე მოწერელია გუბერნატორად დანიშვნამდე “საქართველოს თხილის გადამამუშავებელთა და ექსპორტიორთა ასოციაციის” გამგეობის თავმჯდომარე იყო.