“23776 ადამიანს აქვს უფლება იცოდეს, რა დანაშაული(ები)სთვის აიძულეს მათი რჩეული გადამდგარიყო”-ასეთ სტატუსს აქვეყნებს ოპოზიციონერი პარლამენტარი, “ევროპული საქართველოს” ერთ-ერთი სახე სამეგრელოს რეგიონში ლელა ქებურია. ქებურიას აინტერესებს, რამ აიძულა ზუგდიდის მერი ამ გადაწყვეტილებამდე მისულიყო და სვამს ლეგიტიმურ კითხვას.

“ზუგდიდის მერს 23776 ზუგდიდელმა მისცა ხმა(ოცნების ჩვეულ საარჩევნო მანიპულაციებზე უადგილოა საუბარი)
23776 ადამიანს აქვს უფლება იცოდეს, რა დანაშაული(ები)სთვის აიძულეს მათი რჩეული გადამდგარიყო.
თუ დამნაშავეა, გადადგომა ადეკვატური პასუხისგება არაა და თუ არა, ვის აქვს უფლება უგულებელყოს 23776 ადამიანის კონსტიტუციური უფლება.

p.s ლაშა გოგიას მერობის ავკარგიანობის განხილვაც უადგილოა ამ შემთხვევაში”-წერს ლელა ქებურია სოციალურ ქსელში.

შეგახსენებთ, რომ პრაღაში საქმიანი ვიზიტით მყოფმა ზუგდიდის მერმა საზოგადოებას გადადგომის შესახებ სოციალური ქსელის მეშვეობით ამცნო. ლაშა გოგიას გადადგომის მიზეზები არ განუმარტავს. STV-თან სატელეფონო საუბრისას აღნიშნა, რომ ორშაბათს პრესკონფერენციაზე მედიის წარმომადგენლებთან ამის შესახებ განმარტებებს გააკეთებს.