• ქართული ოცნების ზუგდიდის მაჟორიტარი დეპუტატობის კანდიდატის ირაკლი ჩიქოვანის განცხადებით, ზუგდიდში მასშტაბური ინფრასტრუქტურული პროექტები აქტიურად ხორციელდება, რაც თითოეულ ადგილობრივზე დადებითად აისახება.

,,ქუჯის ქუჩაზე ვიმყოფებოდით, სადაც ადგილობრივებს შევხვდით. ყველას უხარია, რომ ზუგდიდში მასშტაბური ინფრასტრუქტურული პროექტები აქტიურად ხორციელდება, რაც თითოეულ ზუგდიდელზე დადებითად აისახება. ქალაქში წყლისა და წყალარინების პროექტების განხორციელებამ საგზაო ინფრასტრუქტურა დააზიანა, თუმცა ზუგდიდს მალე სრულად განახლებული საგზაო ინფრასტრუქტურა ექნება, მხოლოდ წელს 60 ქუჩა რეაბილიტირდება. ახლოვდება ახალი სასწავლო წელი, რომელსაც ამ უბანში მდებარე, მესამე საჯარო სკოლის მოსწავლეები სრულად რეაბილიტირებულ სკოლაში შეხვდებიან. ამ უბანს განსაკუთრებულად ალამაზებს ახლად რეაბილიტირებული რკინიგზის სადგური, რომელიც ჩვენს ქალაქში ჩამოსული სტუმრებისთვის პირველ განწყობას ქმნის“ – განაცხადა ირაკლი ჩიქოვანმა.

კანდიდატმა დღეს შეხვედრები ქუჯის ქუჩამდე სოფელ უჩაშონასა და ოფაჩხაფუში გამართა.