20 თებერვალს, წალენჯიხის მუნიციპალიტეტის მერის მოადგილე თამარ ბელქანია და წალენჯიხის მუნიციპალიტეტის საკრებულოს თავმჯდომარის მოადგილე გიორგი დარსალია ა(ა)იპ სასპორტო და საფეხბურთო ცენტრის კოლექტივს შეხვდნენ . სამუშაო შეხვედრის თემა იყო არსებული პრობლემების გაცნობა და მისი მოგვარების გზებზე მსჯელობა დროული რეაგირებისათვის.

თამარ ბელქანიამ პირველ რიგში ფეხბურთის ცენტრის თანამშრომლები გაიცნო.

“ყველაფერი უნდა გაკეთდეს იმისათვის, რომ ფეხბურთით ახალი თაობა დავაინტერესოთ. მოვიზიდოთ ინვესტორები, დავაინტერესოთ ბიზნესსექტორი, რომ წალენჯიხის ფეხბურთის გუნდი “სქური” ისევ ვაქციოთ ბრენდად. უნდა ჩატარდეს ბავშვთა საფეხბურთო ტურნირები, ყველა ადმინისტრაციულ ერთეულში წალენჯიხის გარდამავალ თასზე . ყველაფერი უნდა გაკეთდეს იმისათვის, რომ მომავალი თაობები ჯანსაღ გარემოში აღიზარდონ”-აცხსწვა მწრის მოადგილე.

საჭიროა, სპორტის პროპაგანდა. არასამეწარმეო იურიდიული პირების წარმომადგენლებმა ისაუბრეს, გაუმართავ ინფრასტრუქტურაზე, სავარჯიშო მოედნებისა და დარბაზების მოუწესრიგებლობაზე. ასევე საუბარი მიღწევებსაც შეეხო.

შეხვედრის ბოლოს თამარ ბელქანიამ და გიორგი დარსალიამ მზაობა გამოთქვეს არსებული პრობლემები ეტაპობრივად გადაწყვეტაზე. მათი თქმით, უნდა მოხდეს ახალგაზრდების დაინტერესება სპორტით, რათა თაობები ჯანსაღ გარემოში აღიზარდონ.