სახელმწიფო შესყიდვების სააგენტოს ვებგვერდზე ზუგდიდში ახალი სპორტული კომპლექსის მშენებლობის ტენდერი გამოქვეყნდა.  პროექტის ღირებულება 13 მილიონ ლარს შეადგენს და ის აზიის განვითარების ბანკის (ADB) მიერ გამოყოფილი კრედიტით ფინანსდება.

პროექტი „საცხოვრებლად ვარგისი ქალაქების“ პროგრამის ფარგლებში შემუშავდა და მას მუნიციპალური განვითარების ფონდი ახორციელებს. სპორტული კომპლექსი ზუგდიდში, ბენდელიანის 35-ში, ყოფილი კომკავშირის პარკის მიმდებარედ უნდა აშენდეს და მისი ფართობი  7795 კვადრატული მეტრი უნდა იყოს. სატენდერო პირობების მიხედვით, პრეტენდეტს მონაწილეობის მისაღებად 2019-2021 წლებში მინიმუმ 12 მილიონი ლარის შემოსავალი უნდა ჰქონდეს მიღებული.

ტენდერში წინადადებების წარდგენა 21 აპრილამდე არის შესაძლებელი. შეგახსენებთ, რომ 

ჩინუმა კომპანიის “ფროჟე მუჰენდისლიქ მუშავირლიქ ინშაათ თააჰჰუთ ითჰალათ იჰრაჯაათ სანაი თიჯარეთის” ქართულმა ფილიალმა სატენდერო მოთხოვნები ვერ შეასრულა, რის გამოც მუნიციპალური განვითარების ფონდმა მასთან  ხელშეკრულება გაწყვიტა და ტენდერი ხელახლა გამოაცხადა. ჩინურმა კომპანიამ ტენდერი 2021 წლის მარტში მოიგო და აიღო ვალდებულება, რომ სპორტკომპლექსის მშენებლობა 18 თვეში დაესრულებინა.