ზუგდიდში, ტურისტულად ყველაზე დატვირთულ ზონაში, დადიანების სასახლეთა ეზოში, ახალი სკამები და ურნები დამონტაჟდა. სამუშაოები ზუგდიდის მერიის კეთილმოწყობის მართვის ცენტრმა განახორციელა. ინფორმაციას სამეგრელო-ზემო სვანეთის სახელმწიფო რწმუნებულის ადმინისტრაცია ავრცელებს.

ადგილობრივებისა და ტურისტებისთვის განახლებული დასასვენებელი სივრცე სამეგრელო-ზემო სვანეთის სახელმწიფო რწმუნებულმა გიორგი გუგუჩიამ, ზუგდიდის მერთან მამუკა წოწერიასთან და სხვა ოფიციალურ პირებთან ერთად დაათვალიერა.