შინაგან საქმეთა მინისტრი გიორგი გახარიას თქმით, სამეგრელო-ზემო სვანეთის გუბერნატორი ალექსანდრე მოწერელია არა მისი ან ვინმე კონკრეტულის, არამედ გუნდის კადრია.

“ალეკო მოწერელია არის სამეგრელოს კადრი, ყველაზე მეტად ის არის მეთხილეების კადრი. ის გუნდმა დანიშნა”, – უთხრა ჟურნალისტებს სამხარეო ადმინისტრაციის შენობაში რამდენიმესაათიანი შეხვედრის დასრულების შემდეგ გახარიამ.

გუბერნატორი “ქართული ოცნების” შტაბის უფროსად დღეს დაინიშნა.