მთავრობის ადმინისტრაციის ახალ უფროსად ლევან ჟორჟოლიანი დაინიშნა. ამის შესახებ პრემიერ-მინისტრმა ირაკლი კობახიძემ დღეს გამართულ ბრიფინგზე განაცხადა.

„მთავრობის ადმინისტრაციის უფროსად ლევან ჟორჟოლიანი დაინიშნა, რომელიც იყო თბილისის საკრებულოს წევრი, იურიდიული კომისიის თავმჯდომარე დღემდე“, – განაცხადა პრემიერმა.

ლევან ჟორჟოლიანმა რევაზ ჯაველიძე შეცვალა, რომელმაც მთავრობის ადმინისტრაციის უფროსის თანამდებობა 2024 წლის პირველ მარტს დატოვა. ის ამ პოსტს 2022 წლის 10 მაისიდან იკავებდა.