პლენარულ სხდომაზე დღეს „ამნისტიის შესახებ“ კანონპროექტი მესამე მოსმენით განიხილება.

„ქართულ ოცნებაში“ აცხადებენ, რომ ჰუმანურობასთან ერთად, აღნიშნული კანონპროექტი ქვეყანას პატიმრების რაოდენობით ევროპულ სტანდარტთან დააახლოებს.

მმართველი გუნდის მიერ ინიცირებული კანონპროექტი ათასამდე ადამიანის საპატიმროდან გათავისუფლებას, ხუთიათასამდე მსჯავრდებულისთვის სასჯელის შემცირებასა და პენიტენციური დაწესებულების ეტაპობრივად დატოვებას ითვალისწინებს.

კანონპროექტს პარლამენტმა მეორე მოსმენით მხარი უკვე დაუჭირა.