მინისტრი გარემოს დაცვისა და სოფლის მეურნეობის სამინისტროს რეგიონულ წარმომადგენლებს შეხვდა
გარემოს დაცვისა და სოფლის მეურნეობის მინისტრი დავით სონღულაშვილი, სამეგრელო-ზემო სვანეთის სახელმწიფო რწმუნებულთან დავით ვერავასთან ერთად რეგიონში, სამინისტროს სისტემაში შემავალი უწყებების თანამშრომლებს შეხვდა.
გაფართოებულ შეხვედრას სურსათის ეროვნული სააგენტოს, სოფლის მეურნეობის სახელმწიფო ლაბორატორიის, „საქართველოს მელიორაციის“ და სოფლის განვითარების სააგენტოს რეგიონული სამსახურების თანამშრომლები ესწრებოდნენ.
მინისტრმა აღნიშნული სამსახურების მნიშვნელობაზე ისაუბრა და თითოეულ თანამშრომელს მადლობა გადაუხადა საერთო საქმეში შეტანილი წვლილისთვის.
„იმისათვის, რომ ადგილობრივმა მოსახლეობამ, ფერმერებმა ოპერატიულად და სრულყოფილად ისარგებლონ იმ სერვისებით და პროგრამებით, რასაც მათ სახელმწიფო სთავაზობს, რეგიონული სამსახურების როლი უმნიშვნელოვანესია. აღსანიშნავია, რომ ბოლო წლებში, რეგიონული სამსახურების გაძლიერების მიზნით, მნიშვნელოვანი ნაბიჯები გადაიდგა, ბევრი რამ გაკეთდა, თუმცა აუცილებლად თვალი უნდა გავუსწოროთ გამოწვევებსაც, რაც გვაქვს. მნიშვნელოვანია მუნიციპალიტეტებში ფერმერებთან შეხვედრა და მათგან ინფორმაციის მიღება. ამ ნაწილში თქვენი ჩართულობა მაქსიმალურად აქტიური უნდა იყოს, რათა ჩვენი უწყების ფარგლებში მყისიერი და სწორი რეაგირება მოვახდინოთ იმ გამოწვევებზე, რომელიც არსებობს როგორც სოფლის მეურნეობაში, ასევე გარემოს დაცვის მიმართულებით“, – განაცხადა დავით სონღულაშვილმა.
შეხვედრას გარემოს დაცვისა და სოფლის მეურნეობის მინისტრის მოადგილეები კახა კაკაბაძე და ლაშა დოლიძე, აჭარის სოფლის მეურნეობის მინისტრი ზაზა შავაძე, სამეგრელოს, გურიის, იმერეთის რეგიონების სახელმწიფო რწმუნებულები, მერები, და სამინისტროს უწყებების ხელმძღვანელი პირები ესწრებოდნენ.
მსგავსი სიახლეები
გარემოს დაცვისა და სოფლის მეურნეობის მინისტრი დავით სონღულაშვილი იქნება
პრემიერმა საგარეო საქმეთა, იუსტიციისა და გარემოს დაცვისა და სოფლის მეურნეობის მინისტრებს გაწეული საქმიანობისთვის მადლობა გადაუხადა და აღნიშნა, რომ ისინი საქმიანობას სახელმწიფო სამსახურებში, მაღალ თანამდებობებზე განაგრძობენ
