ვინც ახლა ცდილობთ დახვრეტილი აფრასიძეების ხელახლა ჩახოცვას, დარჩენილი შვილების ცოცხლად დამარხვას,სააკაშვილ-ბარამიძე-ადეიშვილ-მერაბიშვილის ე.წ. სპეცოპერაციის გამართლებას-ხართ ყველაზე სულმდაბალი და უგვანო! ბოროტი და კაცთმოძულე არსება! როგორც ვხედავ, თეა წულუკიანი დაგაჭედებთ ბოლო ლურსმანს! სწორედ ამ სვანმა გოგომ გაგითხარათ ახალი პოლიტიკური სამარე და შიგ ინერციით ჩაცვივდით! – წერს ჟურნალისტი ნანა ფაჟავა სოციალურ ქსელში.

ფაჟავა აფრასიძეების საქმის ირგვლივ შექმნილ აჟიოტაჟთან დაკავშირებით ვრცელ პოსტს აქვეყნებს და აცხადებს, რომ „სწორედ სააკაშვილი და ბარამიძე უკვეთავდა აფრასიძეებს სვანეთის მთებში განლაგებული მაღალი ძაბვის გადამცემი ანძების აფეთქებას 2000-2003 წლებში. თუ სწორად მახსოვს, ერთი ანძის აფეთქებაში სააკაშვილი 5 ათას ამერიკულ დოლარს იხდიდა. მაშინ რა ინფორმაციაც ვრცელდებოდა, შუამავალი ამ საქმეში ბადრი ზარანდია იყო და ფულიც მას აჰქონდა სვანეთში. და სააკაშვილმა ვინ მოიშორა პირველი?! ცხადია, ბადრი ზარანდია. ჯერ კიდევ ოპოზიციაში მყოფმა სააკაშვილმა 2003 წლის იანვარში, ზუგდიდში მდებარე კაფეში, ის როგორც ერთ-ერთი მთავარი მოწმე, ავტომატური იარაღიდან დემონსტრაციულად ჩაცხრილა. შემდეგ, 2004 წლის მარტში, შურისძიებით მოტივირებული სააკაშვილი სვანეთში ავიდა და მისი ბოროტმოქმედების მთავარი მოწმეები-აფრასიძეები უმოწყალოდ ჩახოცა.“

„ვინც ახლა ცდილობთ დახვრეტილი აფრასიძეების ხელახლა ჩახოცვას, დარჩენილი შვილების ცოცხლად დამარხვას, სააკაშვილ-ბარამიძე-ადეიშვილ-მერაბიშვილის ე.წ. სპეცოპერაციის გამართლებას-ხართ ყველაზე სულმდაბალი და უგვანო! ბოროტი და კაცთმოძულე არსება! როგორც ვხედავ, თეა წულუკიანი დაგაჭედებთ ბოლო ლურსმანს! სწორედ ამ სვანმა გოგომ გაგითხარათ ახალი პოლიტიკური სამარე და შიგ ინერციით ჩაცვივდით! იძახოს ახლა მონების მონამ წულუკიანის მონობაზე და ისევ გოროზიას აეტუზოს! ეთერებში ბარამიძე ოროსანი წითლიძით ჩაანაცვლონ კიდევ. უი, შეხსენებაც არ გინდათ?!

თითქოს არ იცოდეთ, რომ წარსულის გარეშე მომავალი არ გაქვთ! აქ ვიღაც, ვითომ ჟურნალისტი, საბჭოთა კგბ-ს მიერ ევგენი აფრასიძეზე შექმნილი ,,რაპორტის’’ სრულ კოპირებას ახდენდა-თუ როგორ გახდა 21 წლის ბიჭი სიძის მკვლელი და შემდეგ ძებნილი. იქნებ ისიც გაიხსენოთ, როგორ ცდილობდა ოპოზიციაში მყოფი სააკაშვილი ამ ოჯახის კრიმინალურ სინდიკატში ჩართვას საკუთარი პოლიტიკური მიზნების მისაღწევად. დიახ, სწორედ სააკაშვილი და ბარამიძე უკვეთავდა აფრასიძეებს სვანეთის მთებში განლაგებული მაღალი ძაბვის გადამცემი ანძების აფეთქებას 2000-2003 წლებში. თუ სწორად მახსოვს, ერთი ანძის აფეთქებაში სააკაშვილი 5 ათას ამერიკულ დოლარს იხდიდა. მაშინ რა ინფორმაციაც ვრცელდებოდა, შუამავალი ამ საქმეში ბადრი ზარანდია იყო და ფულიც მას აჰქონდა სვანეთში.

და სააკაშვილმა ვინ მოიშორა პირველი?! ცხადია, ბადრი ზარანდია. ჯერ კიდევ ოპოზიციაში მყოფმა სააკაშვილმა 2003 წლის იანვარში, ზუგდიდში მდებარე კაფეში, ის როგორც ერთ-ერთი მთავარი მოწმე, ავტომატური იარაღიდან დემონსტრაციულად ჩაცხრილა. შემდეგ, 2004 წლის მარტში, შურისძიებით მოტივირებული სააკაშვილი სვანეთში ავიდა და მისი ბოროტმოქმედების მთავარი მოწმეები-აფრასიძეები უმოწყალოდ ჩახოცა. არ დაინდო არც ქალი და არც ბავშვი. სამუდამოდ, საშინელი დაღი დაასვა მათ ფსიქიკას. როგორც გახსოვთ, სააკაშვილმა ანძების აფეთქებით ერთ-ერთ მთავარ მიზანს- სახელმწიფოს მიმართ დესტრუქციას მიაღწია. სახეზე იყო დენის გარეშე დარჩენილი მოსახლეობა, უწყვეტი პროტესტი და ალმოდებული საბურავების ჭვარტლით გამურული ქალაქები. მაშინ, შევარდნაძის ხელისუფლება შეეცადა დაჰპირისპირებოდა ამ ყველაფერს და სვანეთში სპეცოპერაცია დაგეგმა, რომელსაც აფრასიძეები უნდა გაენეიტრალებინა. მაშინდელი შს მინისტრი, კობა ნარჩემაშვილი მესტიაში იყო გამაგრებული.

მრჩებოდა შთაბეჭდილება, რომ მოსალოდნელი წინააღმდეგობისა და მსხვერპლის გამო, შევარდნაძეც კი თავს იკავებდა სპეცოპერაციის ჩატარებისგან და რამდენჯერმე უკან დაიხია. იმხანად, 2003 წლის 3 ივნისიდან, სამეგრელო-ზემო სვანეთში ტვ ,,იმედის’’ რეპორტიორად ვმუშაობდი. მაშინ დავრწმუნდი, რომ აფრასიძეების დემონიზირებას ყველა ხელისუფლება სხვადასხვა მეთოდით ცდილობდა. მათ მკვლელებად და კაციჭამიებად წარმოაჩენდა და ეს მუშაობდა კიდეც საზოგადოებრივ განწყობაზე. არც მაშინ და არც შემდეგ, რეალური მტკიცებულებები მათ მიერ ჩადენილი დანაშაულების შესახებ არ არსებობდა.

არადა, მგონია რომ აფრასიძეები თავად იყვნენ მსხვერპლები, გარემოების მძევლები. შესაძლოა ნაკლებად საინტერესო იყოს, მაგრამ მაინც მოგიყვებით. მაშინ ერთადერთი ჟურნალისტი ვიყავი, ვინც ეცერში ევგენი აფრასიძესთან ინტერვიუს ჩაწერა მოახერხა. მას წინ უძღოდა აფრასიძეების ნათესავებთან ზუგდიდში შეხვედრა და ხელნაწერი ბარათის გადმოცემა, სადაც აფრასიძეების ოჯახში მეგობრის სტატუსით სტუმრად მყოფი ჩემთვის ნაცნობი უშიშროების აგენტ-ჟურნალისტი (ცოტა ხნით ადრე შევარდნაძის უშიშროება ამ ქალის ჩემთან დამეგობრებას შეეცადა) ნარჩემაშვილის მიერ დაგეგმილი სპეცოპერაციის შედეგად აფრასიძეებთან ერთად მის შესაძლო ლიკვიდაციაზე მატყობინებდა და პრევენციის მიზნით ინფორმაციის გასაჯაროებას მთხოვდა.

მიუხედავად იმისა, რომ აფრასიძეების შესახებ კარგი არაფერი მსმენია და ჭორ-მართალი ერთმანეთში ირეოდა, გულწრფელად ვუთანაგრძნე მათ ასეთი სტუმრის მასპინძლობის გამო, რომელსაც ამ ოჯახისთვის ბოლო გვირგვინის დადება საერთოდ არ გაუჭირდებოდა. მაშინ შევიტყვე, რომ ჟურნალისტად მისული ქალი ომეხ აფრასიძეს ხასად დაუჯდა, ხოლო შემდეგ ფაქტობრივად მისი მძევალი გახდა, რადგან მას მუხლთან მიმაგრებული რადიოგადამცემი აღმოუჩინა… ამიტომაც, არც მაშინ და არც ახლა მიკვირს თუ რატომ იდგა აფრასიძეების აივანზე ტყვიამფრქვევი, რატომ იყვნენ მუდმივად თავდაცვის რეჟიმში, თორემ არ მგონია უკვე პარკინსონით დაავადებულ, ასაკოვან ევგენი აფრასიძეს დაუმორჩილებელი ხელებით იარაღის ჟღარუნი შესძლებოდა. ინტერვიუ კი ისე წავიდა, რომ მეგონა კრიმინალური მენტალობის ადამიანთან კი არა ლიტერატორთან ვიჯექი პირისპირ. ვერ წარმოვიდგინე-ეს კაცი ყაჩაღობდა, ძარცვავდა, კლავდა და შემდეგ ქართულ მწერლობას ეცნობოდა?! მხოლოდ ხმის ჩაწერა მთხოვა, რადგან ურიცხვ მტერთან პირისპირ გამოჩენა არ სურდა. ის მაშინ არც ძებნილი იყო და როგორც ბევრჯერ თქვა-არც საშიში იყო ვინმესთვის! თუმცა, როგორც აღმოჩნდა, 21 წლის შემდეგაც, ფერფლად ქცეულმა ადამიანმა ბევრს მოსვენება დაუკარგა…

და კიდევ, რადგან გამჩენი არ გასვენებთ, ოდესმე მოვყვები, თუ როგორ გეგმავდა სააკაშვილი და ბარამიძე ჩემს დაკავებას (უკეთეს შემთხვევაში) და ტვ ,,იმედის’’ მანქანაში საბრძოლო მასალისა და ნარკოტიკების ჩადებას. შემდეგ როგორ დაამტკიცებდნენ ჩემს კავშირს აფხაზ კრიმინალებთან მაშინ, როცა მათი და კიდევ უფრო დიდი ნაძირალა გიორგი თარგამაძის უსუსურობის გამო ენგურის ხიდზე პირდაპირ შევეჯახე მკვლელ ოთარ ტურნანბას, დავიხსენი ტყვეობიდან ,,დროების’’ ჟურნალისტი და ოპერატორი, დავიბრუნე კამერა. თავზე დაგახურავთ იმ თქვენი ჟურნალისტების საქმიანობასაც, ვინც ფსბს აგენტობას წლების განმავლობაში აწარმოებდა, ვისაც აფხაზი ბოევიკები ენგურის ხიდიდან თურქეთის საზღვრამდე ტელევიზიის მანქანით გადაჰყავდა, ვინც აფხაზ მესაზღვრეებს აფეთქებდა, ვისაც აფხაზ ბოევიკებთან ზუგდიდიდან ქალები მიჰყავდა და ვინც ქართველების სისხლით გაჟღენთილი მკვლელების ლოგინში ეგდო, ვისაც აფხაზ მესაზღვრეებთან ერთად ვენაში ,,ჰეროინი’’ შეჰყავდა, ვინც აფხაზ ბოევიკებს ჩემს მკვლელობას უკვეთავდა! ვინმეს გგონიათ, ამას დაგივიწყებთ?!“-წერს ნანა ფაჟავა.