ქალაქ ხობში სისხლის უანგარო დონაციის აქცია გაიმართება.

მოქალაქეებს 11 ივლისს, 11:00 საათიდან, ქალაქ ხობში, ცოტნე დადიანის ქუჩა N187-ში, ხობის კულტურის სასახლის ფოიეში, შესაძლებლობა ექნებათ, ჩაერთონ აქციაში. 

სისხლის უანგარო დონაციის აქცია  „გაიღე სისხლი, მიეცი იმედი: ერთად ჩვენ გადავარჩენთ სიცოცხლეს“, ხობის მუნიციპალიტეტის მერიის მხარდაჭერითა და თბილისის მერიის „სისხლის გადასხმის საქალაქო სადგურის“ ორგანიზებით ჩატარდება.