აბაშაში უხვმა ნალექმა პრობლემები შექმნა
უხვმა ნალექმა პრობლემები შექმნა აბაშის მუნიციპალიტეტში. ადიდდა და კალაპოტიდან გადმოვიდა მდინარე კობზა.
სამიქაო-მაიდნისა და სეფიეთის ადმინისტრაციულ ერთეულებში დაიტბორა რამდენიმე საცხოვრებელი სახლის პირველი სართული.
ვითარებას ადგილზე აბაშის მუნიციპალიტეტის მერი გიგა გაბელაია, მერიის სამსახურების წარმომადგენლებთან ერთად ეცნობა.
ადგილზე მობილიზებულია ყველა შესაბამისი სამსახური, მიმდინარეობს ამოტუმბვითი სამუშაოები.
