დღეს, 3 მარტს, წალენჯიხის კულტურისა და სახელოვნებო-საგანმანათლებლო ცენტრის ორგანიზებით, ნიკოლოზ შენგელაიას სახელობის კინო- თეატრის დარბაზში, დედის დღისადმი მიძღვნილი საღამო გაიმართა. ინფორმაციას წალენჯიხის მერია ავრცელებს.

,,დამსწრე საზოგადოებას სიტყვით მიმართა და დედებს დედის დღე მიულოცა წალენჯიხის მუნიციპალიტეტის მერის მოადგილემ გიორგი კვარაცხელიამ. მერის მოადგილემ სამი ტყუპის დედას სალომე ლუკავას ფულადი საჩუქარი გადასცა. ღონისძიებას, ასევე საკრებულოს წევრები და საზოგადოების წარმომადგენლები ესწრებოდნენ.

დედის დღესთან დაკავშირებით კინო-თეატრის შესასვლელში სახელოვნებო-საგანმანათლებლო ცენტრის, სახვითი ხელოვნების წრის მოსწავლეების ნახატების გამოფენა გაიმართა” - აცხადებენ წალენჯიხის მერიაში.