დავით ვერავა: ილია მეორის გარდაცვალება დიდი ტრაგედია მთელი ერისთვის
სამეგრელო-ზემო სვანეთის სახელმწიფო რწმუნებული, დავით ვერავა, სრულიად საქართველოს კათოლიკოს-პატრიარქის, ილია მეორის გარდაცვალებას ეხმაურება და მწუხარებას გამოთქვამს.
„სრულიად საქართველოს კათოლიკოს-პატრიარქის ილია მეორის გარდაცვალება დიდი ტრაგედიაა მთელი ერისთვის, გისამძიმრებთ ყველას და გამძლეობას გისურვებთ ამ რთულ პერიოდში!
პატრიარქის გარდაცვალებით დასრულდა დიდი ეპოქა, ის ნამდვილად იყო ეპოქალური მოვლენა სასულიერო და საერო ცხოვრებაში.
მისი ღვაწლი უდიდესია, სულიერების განმტკიცების, ადამიანებში რწმენის დაბრუნების, ეკლესია-მონასტრების აღდგენის, მათი მშენებლობის საქმეში. ილია მეორე იყო ამ ქვეყნის უდიდესი სულიერი ლიდერი, რომელსაც პატივს სცემდნენ სხვადასხვა რელიგიის წარმომადგენლები მთელი მსოფლიოდან!
მადლობა მის უწმინდესობას საქართველოსა და მისი მოსახლეობის უანგარო, მამობრივი სიყვარულისა და უდიდესი ეპოქალური მოღვაწეობისთვის!“ - წერს სამეგრელო ზემო სვანეთის სახელმწიფო რწმუნებული
მსგავსი სიახლეები
დავით ვერავა: ელდარ შენგელაია უზარმაზარი დანაკლისია, მთელი ქვეყნისთვის, ქართული კულტურისა და კინომატოგრაფიისთვის
ბიძინა და ეკატერინა ივანიშვილები: უზომო ტკივილსა და მწუხარებას ვგრძნობთ საქართველოს სულიერი მამის, უწმინდესისა და უნეტარესის, სრულიად საქართველოს კათოლიკოს-პატრიარქის - ილია მეორის გარდაცვალების გამო
