სამეგრელო-ზემო სვანეთის სახელმწიფო რწმუნებული დავით ვერავა და ზუგდიდის მუნიციპალიტეტის მერი დავით კოდუა, საკრებულოს წევრებთან ერთად, ზუგდიდის მუნიციპალიტეტის ხეცერის ადმინისტრაციულ ერთეულში საავტომობილო გზის მოწყობის სამუშაოებს გაეცნენ. ინფორმაციას სახელმწიფო რწმუნებულის ადმინისტრაცია ავრცელებს.

„ხეცერაში, საკუტალიო-სამოლაშხიოს უბანში გზის რეაბილიტაცია მიმდინარეობს. გზასთან ერთად ეწყობა სანიაღვრე არხები და ეზოებში მისასვლელები. პროექტი საქართველოს რეგიონებში განსახორციელებელი პროექტების ფონდისა და ადგილობრივი ბიუჯეტის დაფინანსებით ხორციელდება და მისი ჯამური ღირებულება 1 758 845 ლარია. რეაბილიტირებული გზის სიგრძე 3 600 მეტრია.

ხეცერას ადმინისტრაციული ერთეულის აღნიშნულ უბანში კათილმოწყობილი გზა არასდროს ყოფილა და მოქალქეები გრუნტის საფრიანი გზით სარგებლობდნენ“ - აცხადებენ სახელმწიფო რწმუნებულის ადმინისტრაციაში.