ოცინდალეს ტაძრამდე გზის რეაბილიტაცია მიმდინარეობს I ჩხოროწყუ
სოფელ თაიაში, ოცინდალეს წმინდა გიორგის სახელობის ტაძრამდე მისასვლელი 3,6-კილომეტრიანი გზის რეაბილიტაცია მიმდინარეობს. ინფორმაციას ჩხოროწყუს მერია ავრცელებს.
პროექტის ფარგლებში იგება ბეტონის საფარი. გათვალისწინებულია სანიაღვრე არხების, მილ-ხიდებისა და დამცავი ზღუდარების მოწყობა.
„პროექტი რეგიონებში განსახორციელებელი პროექტების ფონდისა და ადგილობრივი ბიუჯეტის თანადაფინანსებით ხორციელდება და მისი ბიუჯეტი 2 569 998 ლარს შეადგენს.
სამუშაოების მიმდინარეობას მუნიციპალიტეტის მერი ჯუმბერ იზორია, საკრებულოს თავმჯდომარე ჯანო პერტაია და საკრებულოს თავმჯდომარის პირველი მოადგილე კობა ჯიქია გაეცნენ. სამუშაოები უახლოეს პერიოდში დასრულდება“ - ნათვამია მერიის მიერ გავრცელებულ ინფორმაციაში.
