დავით ვერავა ახალი სასწავლო წლის დაწყებას მოსწავლეებს, მასწავლებლებსა და მშობლებს ულოცავს

სამეგრელო-ზემო სვანეთის სახელმწიფო რწმუნებული დავით ვერავა ახალი სასწავლო წლის დაწყებას მოსწავლეებს, მასწავლებლებსა და მშობლებს ულოცავს.

„ახალი სასწავლო წლის დაწყებას ვულოცავ თითოეულ მოსწავლეს, მასწავლებელსა და მშობელს. ეს დღე განსაკუთრებულ ემოციასთან და სიხარულთან ასოცირდება სასკოლო საზოგადოებისთვის.

სკოლის დაწყება განსაკუთრებულად მნიშვნელოვანია ათასობით პირველკლასელისთვის, რომლებიც დღეს ცხოვრების ახალ ეტაპს იწყებენ. სამეგრელო-ზემო სვანეთის რეგიონიდან წელს 2919 ბავშვი გახდა პირველკლასელი - ვულოცავ თითოეულს, წარმატებული საწყისი მათ ცოდნის დიდ გზაზე.

განათლების და ახალგაზრდების ხელშეწყობა ჩვენი ხელისუფლების ერთ-ერთი უმთავრესი პრიორიტეტებია. საგანმანათლებლო ინფრასტრუქტურის უზრუნველყოფა, უფასო სახელმძღვანელოები, მასწავლებელთა ხელფასების ზრდა, სასკოლო ფორმები, მოსწავლეების სასკოლო ავტობუსებით მომსახურება - ეს ის საკითხებია რასაც სამთავრობო გუნდმა განათლების მიმართულებით მიაღწია და ეს ზრუნვა მუდმივად ძლიერდება.

კიდევ ერთხელ ვულოცავ საჯარო და კერძო სკოლის თითოეულ მოსწავლეს, მასწავლებელსა და მშობელს - განსაკუთრებით ჩვენი რეგიონის წარმომადგენლებს!

ასევე სასწავლო წლის დაწყებას ვულოცავ საბავშვო ბაღის აღსაზრდელებსა და აღმზრდელებს. წარმატებული მომავალი ჩვენს პატარებს“ - წერს დავით ვერავა.