ქალაქ ზუგდიდში წყალმომარაგების ქსელზე დაზიანება დაფიქსირდა I აღდგენის დრო ცნობილია

ქალაქ ზუგდიდში წყალმომარაგების ქსელზე დაზიანება დაფიქსირდა, რის გამოც წყალმომარაგება დროებით შეეზღუდა დაახლოებით 20 000 აბონენტს.

ადგილზე მობილიზებულია კომპანიის ტექნიკური ჯგუფები და შესაბამისი სპეციალური ტექნიკა. დაზიანების აღმოსაფხვრელად სამუშაოები ინტენსიურ რეჟიმში მიმდინარეობს.

გაერთიანებული წყალმომარაგების კომპანიაში, stv-ს განუცხადეს, რომ წყალმომარაგების აღდგენა დაგეგმილია 18 სექტემბერს, 13:00 საათამდე.

საქართველოს გაერთიანებული წყალმომარაგების კომპანია ბოდიშს უხდის აბონენტებს შექმნილი დისკომფორტისთვის.